ფორსეტი, DW Akademie-სთან თანამშრომლობით, სასტიპენდიო პროგრამაზე — Data for Crisis Fellowship რეგისტრაციას აცხადებს. პროგრამის მიზანი საქართველოში რუსული მიგრაციის საკითხების შესწავლა და გაშუქებაა.
ფორსეტი, DW Akademie-სთან თანამშრომლობით, სასტიპენდიო პროგრამაზე — Data for Crisis Fellowship რეგისტრაციას აცხადებს. პროგრამის მიზანი საქართველოში რუსული მიგრაციის საკითხების შესწავლა და გაშუქებაა.
თუ ხარ ჟურნალისტი, ამბის მთხრობელი, დიზაინერი ან სამოქალაქო აქტივისტი და მონაცემების გამოყენებით ამბის თხრობა გაინტერესებს პროგრამაზე 15 იანვრამდე ნებისმიერ დროს შეგიძლია დარეგისტრირება
სასტიპენდიო პროგრამა 6-კვირიანია და ორ მოდულს მოიცავს: მონაცემთა კომუნიკაციის შესწავლა (1 კვირის განმავლობაში ფიზიკურ სივრცეში შეხვედრები) და მულტიმედიურ ნაშრომებზე მუშაობა და მენტორობა (5 კვირა, ონლაინ შეხვედრები).
პროგრამის პირველ ეტაპზე გამოცდილი მენტორებისგან მონაცემების შეგროვებასა და დამუშავებას შეისწავლი, მეორე ეტაპზე კი ამას პრაქტიკაში გამოიყენებ.
პოტენციური სტიპენდიანტების რაოდენობა 15-ია, ხოლო სტიპენდია 350 ევროს შეადგენს.
შერჩევის შესახებ 20 იანვარდე შეგატყობინებენ. აპლიკანტებთან დეტალების დაზუსტების მიზნით, შესაძლოა მოკლე სატელეფონო ან ვიდეო ინტერვიუს ჩაწერაც გახდეს საჭირო.
სასწავლო კურსის წარმატებით დასრულების შემდეგ კურსის მონაწილეები შეუერთდებიან ფორსეტის მონაცემთა კომუნიკაციის ალუმნის ქსელს, რომელიც ამ ეტაპზე 100-მდე ჟურნალისტსა და სამოქალაქო აქტივისტს აერთიანებს.
ფორსეტის პროგრამის ერთ-ერთი ორგანიზატორი, ჯუბო ბერიძიშვილი, dev.ge-სთან ინტერვიუში წამოწყების მნიშვნელობასა და ღირებულებებზე საუბრობს. მისი აზრით, პროგრამა ჟურნალისტების პროფესიულ განვითარებას ხელს მნიშვნელოვნად შეუწყობს.
«ამ პროგრამის მიზანია, რომ ჟურნალისტებს ახალი პორტალის გამოყენება ვასწავლოთ, რომელიც მარტში გაეშვება. ეს პორტალი სოციალური მედიის მონაცემების მეშვეობით საქართველოში რუსების მიგრაციის საკითხებს იკვლევს. დღეს მედიაში რუსების მიგრაციის საკითხზე ინდივიდუალურ ინტერვიუებს შეხვდებით ამ ამბების განზოგადება შეუძლებელია. აქტუალურობის მიუხედავად, არ არსებობს მონაცემები იმის შესახებ, თუ რა განწყობით არიან ქართველები ამ საკითხთან მიმართებაში და პირიქით, რას ფიქრობენ რუსები. ვფიქრობთ, პროგრამა ამ პრობლემას მოაგვარებს.»
