ComCom: სილქნეტს ლიცენზია არ აქვს, არსებული სიხშირეებით ხარისხიან 5G-ს ვერ დანერგავს
კომუნიკაციების კომისიის განცხადებით, კომპანია სილქნეტი ეფექტიან და ხარისხიან 5G ინტერნეტ მომსახურეობას ვერ დანერგავს.
კომუნიკაციების კომისიის განცხადებით, კომპანია სილქნეტი ეფექტიან და ხარისხიან 5G ინტერნეტ მომსახურეობას ვერ დანერგავს.
ComCom ამბობს, რომ სილქნეტის მიერ აბონენტებისთვის შეთავაზებული სერვისი, რომელიც მათივე განცხადებით, მხოლოდ თბილისის რამდენიმე უბანს მოიცავს, სილქნეტისთვის წლების წინ მინიჭებული ლიცენზიების ფარგლებში არსებული სიხშირული სპექტრის გამოყენებით ამოქმედდა.
კომისიის თანახმად, 5G ინტერნეტის დასანერგად კომუნიკაციების კომისიამ აუქციონი მიმდინარე წლის აგვისტოში გამოაცხადა, რომელში მონაწილეობაც კომპანია სილქნეტს არ მიუღია, აუქციონში მონაწილეობა მხოლოდ სელფი მობაილმა მიიღო და აიღო ვალდებულება, აუქციონის პირობების შესაბამისად ქვეყნის მასშტაბით მეხუთე თაობის ტექნოლოგია დანერგოს.
«სილქნეტის მიერ შეთავაზებული 5G-ით მომხმარებლები ხარისხიან და ეფექტიან ახალი თაობის ინტერნეტს ვერ მიიღებენ, რადგან მეხუთე თაობის ტექნოლოგიის დანერგვისთვის, შესაბამისი ოდენობისა და მახასიათებლების მქონე სპექტრული რესურსის გამოყენებაა საჭირო, რომელიც სილქნეტს ამ ეტაპზე არ გააჩნია, იმის გათვალისწინებით, რომ ოპერატორის სარგებლობაში აქამდე არსებული სიხშირული სპექტრის ძირითადი ნაწილი, წინა თაობის მობილური ტექნოლოგიებისთვისაც გამოიყენება.
სილქნეტის მომხმარებლებისთვის მეხუთე თაობის ტექნოლოგიის დანერგვა, მხოლოდ მობილურ ტელეფონზე 5G ნიშნის გაჩენით იქნება შესამჩნევი, მაგრამ სხვა მნიშვნელოვან ტექნოლოგიურ სხვაობას აბონენტები ვერ იგრძნობენ». — აცხადებს კომუნიკაციების კომისია.
გუშინ, 14 დეკემბერს კომპანია სილქნეტმა განაცხადა, რომ თბილისის ცენტრალურ ნაწილში — თავისუფლების მოედნიდან ბაგებამდე 5G მობილური სერვისი ჩართო.
სილქნეტმა თბილისის ნაწილში 5G ჩართო — ComCom-ის ლიცენზია მხოლოდ Cellfie-ს აქვს
სილქნეტმა თბილისის ნაწილში 5G ჩართო — ComCom-ის ლიცენზია მხოლოდ Cellfie-ს აქვს
