Apple ჩინეთში წარმოების დივერსიფიკაციის მიზნით iPhone 15-ის წარმოებას ინდოეთში იწყებს

Apple მიზნად ისახავს თავისი პროდუქტების მიწოდების დივერსიფიკაციას —  რადგან აშშ-სა და ჩინეთს შორის ურთიერთობა სულ უფრო და უფრო დაძაბული ხდება.

წელს თეთრ სახლში, ინდოეთის პრემიერმინისტრ ნარენდრა მოდისთან შეხვედრის შემდეგ, Apple-ის აღმასრულებელმა დირექტორმა ტიმ კუკმა CNBC-ს განუცხადა, რომ ინდოეთი «უზარმაზარ შესაძლებლობას წარმოადგენს».

აშშ-ის პრეზიდენტის, ჯო ბაიდენის ადმინისტრაციამ იპოვა მრავალი გზა, რათა შეეზღუდა ძირითადი ტექნოლოგიების ნაკადის ინვესტირება ჩინეთში. თავის მხრივ, ჩინეთმა დააწესა შეზღუდვები ზოგიერთი ამერიკული ნახევარგამტარების გაყიდვაზე.

Foxconn-ის ქარხანა, რომელიც ინდოეთის ქალაქ Sriperumbudur-შია განთავსებული, ახალი ტელეფონების დამზადებას და მიწოდებას შეძლებს რამდენიმე კვირაში მას შემდგე, რაც ამას ჩინეთში მდებარე ქარხანა გააკეთებს. 

დადასტურებულია, რომ Apple ინდოეთში თავისი Iphone-ების თითქმის 7%-ს აწარმოებს. ამ დრომდე სმარტფონების ინდოეთში აწყობას, ჩინეთთან შედარებით, 6-9 თვით მეტი სჭირდებოდა. თუმცა, ეს გარემოება  მნიშვნელოვნად შეიცვალა.

Apple-მა iPhone-ის ინდოეთში წარმოება ცოტა ხნის წინ გაზარდა. ბოლო 1 წლის განმავლობაში აქ აწყობილი პროდუქტების ღირებულებამ 7 მილიარდ დოლარს გადააჭარბა. 

Apple სექტემბერში ყოველწლიურ ღონისძიებაზე ახალ პროდუქტს გამოუშვებს.  წლევანდელი პროდუქტები სავარაუდოდ მოიცავს კამერის ძირითად განახლებებს და გაუმჯობესებულ პროცესორს Pro მოდელებში.

Apple Iphone 15-ს სავარაუდოდ 22 სექტემბერს გამოუშვებს

თემის მიხედვით

Apple Iphone 15-ს სავარაუდოდ 22 სექტემბერს გამოუშვებს

iPhone 15-ის გამოსვლის წინ Apple აღიარებს, რომ სმარტფონების ინდუსტრია ნელდება

თემის მიხედვით

iPhone 15-ის გამოსვლის წინ Apple აღიარებს, რომ სმარტფონების ინდუსტრია ნელდება