„ანტრეპრენერობის ზეიმი" — როგორ ჩაიარა Techstars-ის სტარტაპ კვირეულმა
«ანტრეპრენერობის ზეიმი» — ასე აფასებს Startup Buro-ს თანადამფუძნებელი და დირექტორი, ჰაიკ ასრიანცი Techstars-ის სტარტაპ კვირეულს, რომელიც 11-15 დეკემბერს გაიმართა.
«ანტრეპრენერობის ზეიმი» — ასე აფასებს Startup Buro-ს თანადამფუძნებელი და დირექტორი, ჰაიკ ასრიანცი Techstars-ის სტარტაპ კვირეულს, რომელიც 11-15 დეკემბერს გაიმართა.
Techstars-ის სტარტაპ კვირეული (Techstars Startup Week Georgia), რომელიც წელს მესამედ ჩატარდა, 11 დეკემბერს ProductTank Tbilisi-ის ღონისძებით გაიხსნა და 15 დეკემბერს აგროტექნოლოგიებისა და აგროინოვაციების ფორუმით დაიხურა.
- 11 დეკემბერს ProductTank, Optio-ს მხარდაჭერით, aPeople-ის ოფისში ჩატარდა — 3-მა სპიკერმა, ნინი მოსულიშვილმა (Adjarabet), ნანა ონიანმა (Adjarabet) და გიგი ჯანელიძემ (TBC) პროდუქტზე ორიენტირებულ კულტურასა და აზროვნებაზე და ლიდერობაზე ისაუბრეს.
- იმავე დღეს ბათუმში შედგა «Startup Investment Forum — Batumi». ღონისძიება ევროკავშირისა და გაეროს განვითარების პროგრამის ინიციატივის, «მერები ეკონომიკური ზრდისთვის/M4EG», ურბანული ტრანსფორმაციის პორტფელის ფარგლებში ბათუმის მერიის და USAID-ის ეკონომიკური უსაფრთხოების პროგრამის მხარდაჭერით ჩატარდა.
- 13 დეკემბერს «500 ქალი ტექში» მონაწილეებისთვის ერთდღიანი სტარტაპ ბანაკი გაიმართა ბიზნესისა და ტექნოლოგიების (BTU) უნივერსიტეტში, გაეროს ქალთა ორგანიზაციასთან თანამშრომლობით. ბანაკის მონაწილეებს საშუალება ჰქონდათ, განევითარებინათ და შემდგომ საფეხურზე აეყვანათ თავიანთი სტარტაპ იდეები.
- 15 დეკემბერს, კვირეულის ბოლო დღეს, აგროტექნოლოგიებისა და აგროინოვაციების ფორუმი ჩატარდა თბილისში USAID-ის სოფლის მეურნეობის პროგრამის, ტერაბანკისა და ტერა ლიზინგის მხარდაჭერით. ფორუმის დამსწრეებს კი საშუალება მიეცათ, გაცნობოდნენ აგრო სფეროს სიახლეებს, შეხვდნენ პერსპექტიულ სტარტაპებს, ასევე მოისმინეს პრაქტიკული რჩევები ადგილობრივი და საერთაშორისო ექსპერტებისგან. ფორუმზე თავი 200-მდე მონაწილემ მოიყარა, მათ შორის, სახელმწიფო სტრუქტურების და მსხვილი კერძო კომპანიების წარმომადგენლებმა.
«ძალიან კმაყოფილები ვართ და უკვე დავიწყეთ მომავალი წლის კვირეულის დაგეგმვა». — გვეუბნება ჰაიკ ასრიანცი, Startup Buro-ს თანადამფუძნებელი და დირექტორი.
მისი თქმით, კვირეულის ერთ-ერთი მთავარი მიზანია, სტარტაპ ეკოსისტემის რაც შეიძლება მეტი წარმომადგენელი, დონორები, ინვესტორები, სახელმწიფო სააგენტოები ერთმანეთს დააკავშიროს.
Startup Buro-ს შესახებ
სტარტაპ ბიურო ქართული სტარტაპ ეკოსისტემის ერთ-ერთი მთავარი მხარდამჭერია. ის მჭიდროდ თანამშრომლობს კერძო თუ საჯარო სექტორებთან, რათა მათი ჩართულობით წარმატებით დანერგონ ქვეყანაში ჰაკათონები, ბიზნეს ბანაკები, პრე-აქსელერაციისა და აქსელერაციის პროგრამები, ტრენინგები, კონფერენციები და სხვა უნარ-ჩვევებისა თუ შესაძლებლობების განვითარების პროგრამები მეწარმეებისთვის, ინოვატორებისა და შემოქმედებისათვის.
ქვიზი — იცნობთ თუ არა Founder Institute-ის პროგრამის სტარტაპებს?
ქვიზი — იცნობთ თუ არა Founder Institute-ის პროგრამის სტარტაპებს?
