11-15 დეკემბერს საქართველოში Techstars-ის სტარტაპ კვირეული (Techstars Startup Week Georgia) ტარდება. ღონისძიებამ წელს სტარტი მესამედ აიღო — 11 დეკემბერს GITA-ს ინიციატივით, თბილისში, ProductTank Tbilisi-ის ღონისძებით გაიხსნა.
11-15 დეკემბერს საქართველოში Techstars-ის სტარტაპ კვირეული (Techstars Startup Week Georgia) ტარდება. ღონისძიებამ წელს სტარტი მესამედ აიღო — 11 დეკემბერს GITA-ს ინიციატივით, თბილისში, ProductTank Tbilisi-ის ღონისძებით გაიხსნა.
Techstars-ის მიერ ორგანიზებული პირველი ღონისძიება aPeople-ის ოფისში გაიმართა — 3-მა სპიკერმა, ნინი მოსულიშვილმა (Adjarabet), ნანა ონიანმა (Adjarabet) და გიგი ჯანელიძემ (TBC) პროდუქტზე ორიენტირებულ კულტურაზე, პროდუქტის აზროვნებასა და გუნდურ მენეჯმენტზე ისაუბრეს.
იმავე დღეს ბათუმში ჩატარდა «Startup Investment Forum — Batumi». ღონისძიება ევროკავშირისა და გაეროს განვითარების პროგრამის ინიციატივის, «მერები ეკონომიკური ზრდისთვის/M4EG», ურბანული ტრანსფორმაციის პორტფელის ფარგლებში ბათუმის მერიის და USAID-ის ეკონომიკური უსაფრთხოების პროგრამის მხარდაჭერით ჩატარდა.
ფორუმის მიზანი აჭარის რეგიონში სტარტაპ ეკოსისტემის განვითარების ხელშეწყობა, კერძო სექტორის ჩართულობის გაზრდა, ინვესტორების დაინტერესება ადგილობრივი სტარტაპ ეკოსისტემის მხარდაჭერით და ადგილობრივი ინოვაციური და ტექნოლოგიური სტარტაპების ხელშეწყობაა.
შეხვედრა ადგილობრივი ტექნოლოგიური სტარტაპების ფიჩებს, აქსელის შესახებ პრეზენტაციასა და პანელურ დისკუსიებს მოიცავდა, სადაც აქსელის წევრებმა, მოწვეულმა სტუმრებმა და სტარტაპებმა დამსწრე აუდიოტორიას საკუთარი გამოცდილება გაუზიარეს. ღონისძიებას კერძო და საჯარო სექტორის წარმომადგენლები ესწრებოდნენ.
პროექტის პარტნიორები და მხარდამჭერები არიან: Socar Georgia, Medialab, GEC Consulting, KUDOS Georgia, Kettari Foundation, KLAB.
13 დეკემბერს «500 ქალი ტექში» მონაწილეებისთვის ერთდღიანი სტარტაპ პანაკი გაიმართება.
მონაწილეებს შესაძლებლობა ექნებათ, განავითარონ და შემდეგ საფეხურზე აიყვანონ თავიანთი სტარტაპ იდეები.
ბანაკის მონაწილეებს მენტორობას გაუწევენ:
15 დეკემბერს სასტუმრო სტამბაში აგროტექნოლოგიებისა და აგრო ინოვაციების ფორუმი გაიმართება.
ღონისძებაზე არაჩვეულებრივი შესაძლებლობა იქნება ახალი კავშირების დასამყარებლად და ასევე, მოგცემთ საშუალებას, მიიღოთ პრაქტიკული რჩევები ადგილობრივი თუ საერთაშორისო სპიკერებისაგან და მოუსმინოთ პანელურ დისკუსიებს.
ღონისძიებაზე, ასევე, შეგეძლებათ, დაათვალიეროთ უახლესი ქართული აგრო ტექნოლოგიებისა და აგრო ინოვაციების გამოფენა და გაეცნოთ ადგილობრივ სტარტაპებს.
ფორუმი გააერთიანებს 200-მდე მონაწილეს, მათ შორის: ფერმერებს, მწარმოებლებს, ტექნოლოგიურ მეწარმეებს, სტარტაპებს, ინვესტორებს, საერთაშორისო მისიებისა და ორგანიზაციების წარმომადგენლებს.
ჩვენი პარტნიორები არიან: ტერაბანკი, ტერა ლიზინგი, საქართველოს ინოვაციებისა და ტექნოლოგიების სააგენტო და Future Agro Challenge Georgia.
15 დეკემბერსვე გაიმართება შეხვედრა — «მესამე ინდუსტრიული რევოლუცია და პროგრამისტების დეფიციტი».
ღონისძება 19:00 საათზე დაიწყება.
Techstars-ის სტარტაპ კვირეულის ორგანიზატორია Startup Büro და მხარდამჭერები არიან საქართველოს ტექნოლოგიებისა და ინოვაციების სააგენტო (GITA) და Optio.
