190-ზე მეტი ქართველი სტარტაპერები რუსულ კანონს ეწინააღმდეგება.
ერთობლივ განცხადებაში ისინი ხაზს უსვამენ დასავლეთიდან მოზიდული ინვესტიციების მნიშვნელობას და მოუწოდებენ საქართველოს ხელისუფლებას, შეაჩეროს ინიციატივის განხილვა, რომელიც ძირს გამოუთხრის დემოკრატიას, რაც, თავის მხრივ, სასიკვდილო განაჩენი იქნება ტექნოლოგიური განვითარებისთვის.
190-ზე მეტი ქართველი სტარტაპერები რუსულ კანონს ეწინააღმდეგება.
ერთობლივ განცხადებაში ისინი ხაზს უსვამენ დასავლეთიდან მოზიდული ინვესტიციების მნიშვნელობას და მოუწოდებენ საქართველოს ხელისუფლებას, შეაჩეროს ინიციატივის განხილვა, რომელიც ძირს გამოუთხრის დემოკრატიას, რაც, თავის მხრივ, სასიკვდილო განაჩენი იქნება ტექნოლოგიური განვითარებისთვის.
სტარტაპერების განცხადებას უცვლელად გთავაზობთ:
«დღევანდელი მსოფლიოს სწრაფი და ეფექტური განვითარება ტექნოლოგიურ კომპანიებსა და სტარტაპებზე გადის. ბოლო 10 წლის განმავლობაში, საქართველოში მნიშვნელოვნად განვითარდა ტექნოლოგიური და სტარტაპ ინდუსტრია, რაშიც ერთ-ერთი კრიტიკული წვლილი საერთაშორისო, დასავლური ორგანიზაციების ფინანსურ და არაფინანსურ მხარდაჭერას მიუძღვის.
ბოლო წლებში ქართულმა ტექნოლოგიურმა კომპანიებმა მოიზიდეს მილიონობით აშშ დოლარი საერთაშორისო ინვესტორებისაგან, დაასაქმეს ათასობით ადამიანი და მოახერხეს საქართველოს სწრაფად მზარდ და საინვესტიციოდ მიმზიდველ ქვეყნად პოზიციონირება, რაც შეუძლებელი იქნებოდა ქვეყნის დასავლელი პარტნიორების გარეშ.ე.
მსოფლიო ბანკის ფინანსური მხარდაჭერით საქართველოს ინოვაციების და ტექნოლოგიების სააგენტომ (GITA) 38 მილიონი ლარით დააფინანსა 200-ზე მეტი ინოვაციური სტარტაპი. შედეგად სტარტაპებმა მოიპოვეს 1.5 მილიარდი ლარის კერძო ინვესტიცია და შექმნეს 3000-მდე ახალი სამუშაო ადგილი.
15 მილიონი ლარის დაფინანსება გამოყო გერმანიის მთავრობამ, არაერთი მნიშვნელოვანი პროექტი დააფინანსა ევროკავშირმა და ამერიკის მთავრობამ.
ისეთი ორგანიზაციების ჩართულობით, როგორიც არის: USAID, EBRD, UNDP, UN, განხორციელდა უამრავი პროექტი, ტექნიკური განათლების ხელმისაწვდომობის, ქვეყანაში მეწარმეობის განვითარებისა და ახალ ბაზრებზე წვდომისთვის.
«უცხოური გავლენის გამჭვირვალობის შესახებ» კანონი, აშკარა გადახვევაა ქართველი ხალხის მიერ არჩეული დასავლური კურსიდან, რაც სხვა უამრავ პრობლემასთან ერთად, შეაჩერებს ქვეყნის ეკონომიკურ და ტექნოლოგიურ განვითარებას. დემოკრატიისა და თავისუფლების ხარისხის შემცირება კი სასიკვდილო განაჩენი იქნება ტექნოლოგიური კომპანიებისა და სტარტაპებისათვის.
ქართული სტარტაპები მოვუწოდებთ საქართველოს ხელისუფლებას, შეაჩეროს კანონპროექტის განხილვა, რომლის მავნე შედეგებიც უკვე გაზომვადია. და კიდევ უფრო სავალალო იქნება მომავალში.
საქართველო იყო, არის და იქნება ევროპა!
არა რუსულ კანონს!».
ამ დროისთვის განცხადებას ხელს აწერენ:
