19 ივნისს თბილისში IT Summer Camp დაიწყება
19 ივნისს თბილისში, ბოჭორმის 18 ნომერში IT Summer Camp აიღებს სტარტს, რომელიც 28 ივნისამდე გაგრძელდება. პროექტში მონაწილეობა 14-დან 18 წლამდე მოზარდებს შეეძლებათ.
19 ივნისს თბილისში, ბოჭორმის 18 ნომერში IT Summer Camp აიღებს სტარტს, რომელიც 28 ივნისამდე გაგრძელდება. პროექტში მონაწილეობა 14-დან 18 წლამდე მოზარდებს შეეძლებათ.
IT Summer Camp ახალგაზრდების პროფესიული მხარდაჭერის მიზნით შეიქმნა. თანამედროვე ტექნოლოგიური განვითარების პარალელურად მოზარდების დაინტერესება IT პროფესიების მიმართ სწრაფად იზრდება. პროექტში მონაწილეობა კარგი შესაძლებლობაა მათთვის, ვისაც ვიდეოთამაშები თუ სხვადასხვა ტიპის ვებ-აპლიკაციები იზიდავს და სურთ, მათი შექმნა თავადაც ისწავლოს ან თავი მომიჯნავე პროფესიებში გამოსცადოს. IT Summer Camp-ის პროგრამა იმ მოზარდებსაც დააინტერესებთ, ვისაც აქამდე არ ჰქონიათ სურვილი, თანამედროვე ციფრულ სამყაროსა და პროფესიებს გასცნობოდნენ.
პროექტის მთავარი ამოცანაა, რომ მოზარდებს IT სფეროში განვითარების მოტივაცია გაუჩნდეთ, პოზიტიური გამოცდილება დაუგროვდეთ და სათანადო ცოდნა მიეცეთ იმისთვის, რომ სამომავლო პროფესია ზუსტად აირჩიონ.
ამისთვის, IT Summer Camp-ში ციფრული პროდუქტის შექმნის სრული ციკლია გაერთიანებული, რომელიც დიზაინის შექმნას, კოდინგს, კიბერ უსაფრთხოებასა და კომპიუტერული ქსელების როლს მოიცავს. რაც იმას ნიშნავს, რომ პროექტის ფარგლებში მონაწილეები ისწავლიან, თუ როგორ მუშაობს IT ინფრასტრუქტურა და რა პროცესებს გადის ციფრული პროდუქტი იდეის გაჩენიდან ინტერნეტში განთავსებამდე.
იმისთვის, რომ IT Summer Camp უფრო სახალისო და ინფორმაციული გამხდარიყო, პროგრამაში პრაქტიკისა და სიმულაციის ელემენტები დაემატა. ამასთან ერთად, პროექტის მსვლელობისას მონაწილეებს ჯანსაღი ხემსით გაუმასპინძლდებიან და სიმბოლურ საჩუქრებს გადასცემენ. კემპის ბოლოს კი ყველა მოზარდი სერტიფიკატს მიიღებს.
დეტალური ინფორმაციისთვის ეწვიეთ ბმულს.
