ცნობილი ამერიკელი ჰაკერი, კევინ მიტნიკი, რომელიც ერთ დროს FBI-ის ყველაზე მოთხოვნადი კიბერკრიმინალი იყო, 59 წლის ასაკში გარდაიცვალა. ის 14 თვის განმავლობაში პანკრეასის სიმსივნეს ებრძოდა.
ცნობილი ამერიკელი ჰაკერი, კევინ მიტნიკი, რომელიც ერთ დროს FBI-ის ყველაზე მოთხოვნადი კიბერკრიმინალი იყო, 59 წლის ასაკში გარდაიცვალა. ის 14 თვის განმავლობაში პანკრეასის სიმსივნეს ებრძოდა.
2-წლიანი დევნის შემდეგ მიტნიკი 1995 წელს დააკავეს. ჩადენილი კიბერდანაშაულებისთვის 5-წლიანი სასჯელიც მოიხადა.
2000 წელს კი საპატიმროდან გათავისუფლდა და «განახლდა» — «თეთრქუდიანი» ჰაკერი, კიბერუსაფრთხოების კონსულტანტი და ავტორი გახდა.
1990-იან წლებში კევინ მიტნიკმა სამთავრობო ვებსაიტებსა და კორპორაციულ ქსელებში შეაღწია, სატელეფონო კომპანია Pacific Bell-ის ჩათვლით, მოიპარა მონაცემები და საკრედიტო ბარათის ინფორმაცია.
აშშ-ის ხელისუფლება მიიჩნევდა, რომ მას ჰქონდა წვდომა მილიონობით დოლარის ღირებულების კორპორაციულ სავაჭრო საიდუმლოებაზე.
2011 წელს კევინ მიტნიკმა მემუარები გამოსცა, სახელწოდებით Ghost in the Wires. მასში მან უარყო, რომ თავისი კიბერუნარები ფინანსური სარგებლისთვის გამოიყენა.
«ყველამ, ვინც ჭადრაკს თამაშობს, იცის, რომ მოწინააღმდეგის დამარცხება საკმარისია». — თქვა მან.
2003 წელს მან დააარსა Mitnick Security Consulting და კიბერუსაფრთხოების კუთხით აშშ-ის Fortune 500 კომპანიებს (500 კომპანია, რომლებსაც ყველაზე მეტი შემოსავალი აქვს) კონსულტაციას უწევდა.
