მოწყობილობებიდან და "ღრუბლებიდან" მონაცემთა ამოღების პროგრამები — შსს-ის 1 მლნ-იანი ტენდერი

სახელმწიფო შესყიდვების სააგენტოს ვებსაიტზე განთავსებული მონაცემების მიხედვით, ელექტრონული ტენდერი აუქციონის გარეშე ტარდება. 

ასევე, შესყიდვების სააგენტოს თანახმად, საექსპერტო პროგრამულ-აპარატურული უზრუნველყოფის ნაკრების ტენდერი შინაგან საქმეთა სამინისტროს საექსპერტო-კრიმინალისტიკური დეპარტამენტის მოთხოვნის უზრუნველსაყოფად გამოცხადდა. 

ტექნიკური დავალების შესაბამისად, მოთხოვნილია: 

კომპიუტერული მოწყობილობებიდან ინფორმაციის ანალიზის საექსპერტო პროგრამული უზრუნველყოფა

სისტემას უნდა გააჩნდეს შემდეგი შესაძლებლობები: 

• Windows ოპერაციული სისტემის მხარდაჭერა: Windows მეხსიერება, Registry ინფორმაცია, Recent, ჩამოტვირთვები, ნაგვის ყუთი, USB კავშირები, Jump list, Windows 10 timeline, Shellbags, SRUM
• macOS ოპერაციული სისტემის მხარდაჭერა: T2 ჩიპი, Fusion, დაშიფრული მოწყობილობები, APFS Snapshots, Time Machine, backups, Spotlight metadata და KnowledgeC data, Recent, ქსელური კავშირები, მომხმარებლის აქტიურობა.
• iOS და Android ოპერაციული სისტემების მხარდაჭერა: მოკლე ტექსტური შეტყობინებები, მიმოწერა, Health მონაცემები, საფულის ტრანზაქციები, კალენდარი, ჩაშენებული SQLite და Plist დათვალიერების შესაძლებლობა.
• berla iVe, Semantics 21, Project VIC, APOLLO და PhotoDNA მხარდაჭერა;
• ძებნის და ფილტრაციის მხარდაჭერა;
• ჩაშენებული AI მედიის კატეგორიზაციის მხარდაჭერა;
• Veracrypt full disk შიფრაციის მხარდაჭერა;
• OCR მხარდაჭერა;
• მოვლენების ქრონოლოგიის მხარდაჭერა.

ღრუბლოვანი სივრცეებიდან ინფორმაციის ამოღების და ანალიზის საექსპერტო პროგრამული უზრუნველყოფა

პროგრამის საშუალებით შესაძლებელი უნდა იყოს:

• ინფორმაციის შეგროვება და ანალიზი შემდეგი ღრუბლოვანი სივრცეებიდან:
  — საჯარო და პირადული დომეინები
  — სოციალური მედია
  — მიმოწერა
  — ფაილების სანახი
  — ვებ-გვერდები
• საჯარო ინფორმაციის შეგროვება და ანალიზი Facebook, Twitter და Instagram პლატფორმებიდან:
  —  ადგილმდებარეობა
  —  პროფილი
  —  ფოტოები
  —  ფაილები
  —  სოციალური კომუნიკაცია
• მონაცემების ძებნა, ფილტრაცია და სორტირება
• არანაკლებ 50 ღრუბლოვანი სივრცის მხარდაჭერა.

წინადადებების მიღება 15 მარტს დაიწყება და 20 მარტს დასრულდება. 

შსს რუსულ და ბელარუსულ პროგრამებს და საექსპერტო ტექნოლოგიას იყენებს

თემის მიხედვით

შსს რუსულ და ბელარუსულ პროგრამებს და საექსპერტო ტექნოლოგიას იყენებს