ოქტომბერი მთავრდება და აქამდე ერთადერთი, რაც მივიღეთ Apple Pencil იყო, მიუხედავად iMac-ებისა და iPad-ების შესახებ გავრცელებული ჭორებისა. როგორც ჩანს, ახალი 24 დიუმიანი iMac თვის ბოლოს გამოვა.
ოქტომბერი მთავრდება და აქამდე ერთადერთი, რაც მივიღეთ Apple Pencil იყო, მიუხედავად iMac-ებისა და iPad-ების შესახებ გავრცელებული ჭორებისა. როგორც ჩანს, ახალი 24 დიუმიანი iMac თვის ბოლოს გამოვა.
მარკ გურმანი ფიქრობს, რომ iMac 30 ოქტომბერს გამოვა. როგორც გურმანი აღნიშნავს, ამით 900-დღიანი ლოდინი დასრულდება მას შემდეგ, რაც 2021 წლის პირველ ნახევარში M1 iMac გამოვიდა. მიუხედავად იმისა, რომ ახლა მან ჩიპებზე არ ისაუბრა, ადრე იწინასწარმეტყველა, რომ ახალ iMac-ს M3 ჩიპი ექნება.
გურმანს უთხრეს, რომ «Apple Mac-ზე ორიენტირებული პროდუქტის გამოშვებას ამ თვის ბოლოს გეგმავს». მისი თქმით, თუ თქვენ ცდილობთ iMac, 13 დიუმიანი MacBook Pro ან რომელიმე სხვა უმაღლესი დონის Pro მოდელები შეუკვეთოთ, მათი რამდენიმე კონფიგურაცია ნოემბრამდე არ გაიგზავნება.
წელს Apple თავის შემოსავალს ნოემბერში აქვეყნებს. როგორც გურმანი ამბობს, ბოლოს როდესაც Apple-მა კვარტლის მოგების განხილვა ოქტომბრამდე შეაჩერა, Mac და iPad დააანონსა.
გურმანმა თქვა, რომ 14 და 16 დიუმიანი Pro ლეპტოპები იანვარში განახლდა, ასე რომ მათი გამოშვება შესაძლოა 2024 წლამდე გადაიდოს. თუმცა უკვე ერთი წელი გავიდა, რაც 13 დიუმიანი MacBook Pro განახლდა, ხოლო iMac მესამე წელია იმავე ჩიპზე მუშაობს.
გურმანმა მკითხველის შეკითხვასაც უპასუხა, რომელიც ეკითხებოდა, ფიქრობს თუ არა, რომ მომავალ MacBook-ებს მნიშვნელოვანი განახლებები ექნებოდა. გურმანმა უპასუხა, რომ მნიშვნელოვან ანსხვავებებს, გარდა პროცესორებისა, არ ელის. ის ფიქრობს, რომ შემდეგი რეალური ცვლილება ახალი iMac Pro იქნება, რომელიც 2025 წელს გამოვა.
