საინვესტიციო ჰოლდინგმა Isari Ventures 5 მილიონი აშშ დოლარის სარისკო კაპიტალის ფონდი დააფუძნა.
ის ინვესტიციებს რეგიონალური და გლობალური პოტენციალის მქონე ქართულ სტარტაპებში განახორციელებს.
ღონისძიებას 28 ოქტომბერს GITA-მ უმასპინძლა.
«ვაფუძნებთ Isari Ventures-ს, რათა უზრუნველვყოთ დამატებითი მხარდაჭერა ქართველ მეწარმეთა სწრაფად მზარდი ეკოსისტემისთვის, რომელიც კრეატიული მეთოდებით და აზროვნებით უკვლავდება მსოფლიოს გლობალურ გამოწვევებს. Isari Ventures ამ სტარტაპებს ფინანსურ და სტრატეგიულ დახმარებას გაუწევს და Isari-ის რესურსების გამოყენებით, ხელს შეუწყობს პერსპექტიული ინოვაციების განვითარებას რეგიონში და მის ფარგლებს გარეთ».
Isari Ventures-ის დირექტორის და საბჭოს წევრის, ჟან ფრედერიკ პოლსენის განცხადებით, ყველა ინვესტიცია შეესაბამება ისეთი ინოვაციური გადაწყვეტილების ძიებას, რომლებსაც აქვთ პოტენციალი, რადიკალურად გააუმჯობესონ შესაბამისი ინდუსტრიული სექტორების ეფექტურობა გლობალური ან რეგიონალური მასშტაბით.
ინიციატივა ფოკუსირებული იქნება კრეატიულ ქართულ დამფუძნებლებზე, რომლებიც ოპერირებენ pre-product market fit ეტაპზე.
Isari Ventures- მა რამდენიმე სტარტაპში ინვესტიცია უკვე განახორციელა, მათ შორის, უახლესი ინვესტიციებია PHUBBER — ონლაინ საცალო ვაჭრობის, მდგრადობაზე ორიენტირებული პლატფორმა, OMOFOX — ციფრული სატვირთო ექსპედიტორი და KERNEL — ციფრული აღრიცხვის პროგრამული უზრუნველყოფა SMB-თვის.
