სიახლეების განყოფილებაახალი ამბები
20 მაისი 2024, 12:32
2024-05-20
Rakuten Viber-მა Service Organization Control (SOC) 2 Type II სერტიფიკატი მოიპოვა
Rakuten Viber-მა კიბერუსაფრთხოების უმაღლესი სტანდარტის დამადასტურებელი სერტიფიკატი მოიპოვა.
ეს სერტიფიკატი გადაეცემათ ორგანიზაციებს, რომლებიც წარმოაჩენენ კიბერუსაფრთხოების საუკეთესო პრაქტიკას. აუდიტის დასკვნა ადასტურებს, რომ კომპანია უზრუნველყოფს მომხმარებლების მაქსიმალურ უსაფრთხოებასა და კონფიდენციალურობას.
Rakuten Viber-მა კიბერუსაფრთხოების უმაღლესი სტანდარტის დამადასტურებელი სერტიფიკატი მოიპოვა.
ეს სერტიფიკატი გადაეცემათ ორგანიზაციებს, რომლებიც წარმოაჩენენ კიბერუსაფრთხოების საუკეთესო პრაქტიკას. აუდიტის დასკვნა ადასტურებს, რომ კომპანია უზრუნველყოფს მომხმარებლების მაქსიმალურ უსაფრთხოებასა და კონფიდენციალურობას.
Rakuten Viber-მა, მსოფლიოში ერთ-ერთმა წამყვანმა საკომუნიკაციო პლატფორმამ, რომელიც ორიენტირებულია უსაფრთხო და დაცულ კომუნიკაციაზე, წარმატებით გაიარა კიბერუსაფრთხოების შესაბამისობის სტანდარტი და Service Organization Control (SOC) 2 Type II სერტიფიკატი მოიპოვა.
SOC 2 არის აუდიტის სტანდარტი, რომელიც შემუშავებულია ამერიკის სერტიფიცირებული საჯარო ანგარიშების ინსტიტუტის (American Institute of Certified Public Accounts (AICPA)) მიერ.
აუდიტის ჩარჩო შექმნილია მომხმარებელთა მონაცემების უსაფრთხოების, ხელმისაწვდომობისა და კონფიდენციალურობის უზრუნველსაყოფად.
მსოფლიოში ერთ-ერთი უმსხვილესი პროფესიული სერვისების ქსელის, Ernst & Young-ის მიერ ჩატარებული აუდიტი ადასტურებს, რომ Rakuten Viber-ის საინფორმაციო უსაფრთხოების პრაქტიკა, პოლიტიკა, პროცედურები და ოპერაციები სრულად აკმაყოფილებს SOC 2 სტანდარტებს.
ლაიად შელი, Rakuten Viber-ის VP ინჟინერი და CISO: «SOC 2 Type 2 არის მნიშვნელოვანი ეტაპი Rakuten Viber-ისთვის, რადგან ის ადასტურებს ჩვენს ურყევ ვალდებულებას, უზრუნველვყოთ ჩვენი მომხმარებლების უსაფრთხოება და კონფიდენციალურობა.
ეს სერტიფიკატი არის ჩვენი პროაქტიული მიდგომების აღიარება, როგორც საინფორმაციო უსაფრთხოების, ასევე მონაცემთა დაცვის მიმართულებით.
რა თქმა უნდა, ჩვენ გავაგრძელებთ ჩვენთვის მინდობილი ინფორმაციის კონფიდენციალურობის დაცვას და მისთვის პრიორიტეტის მინიჭებას, რათა უზრუნველვყოთ უსაფრთხო და საიმედო პლატფორმა ჩვენი გლობალური საზოგადოებისთვის.»
გარდა SOC 2 სერტიფიკატისა, Rakuten Viber გეგმავს დაამატოს დაცვის რამდენიმე საფეხური, გაზარდოს მონიტორინგი და შესაბამისად, კიდევ უფრო გააუმჯობესოს პლატფორმა. 2016 წელს, Viber გახდა ერთ-ერთი პირველი მსხვილი შეტყობინებების აპლიკაცია, რომელმაც დანერგა ბოლოდან ბოლომდე დაშიფვრა ყველა სერვისისთვის — პირადი და ჯგუფური ჩატებისა თუ ვიდეო ზარებისთვის.
Rakuten Viber მომხმარებელს მალე ახალ ფუნქციონალს — ჩატის საქაღალდეს მალე შესთვაზებს. ეს მათ საშუალებას აძლევს, სწრაფად იპოვონ კონკრეტული ჩატი და ზოგადად, უკეთ მართონ პირადი საუბრები. საქაღალდე შექმნილია მომხმარებლისთვის გამოცდილების გასაუმჯობესებლად, შესაბამისად, ის საშუალებას გაძლევთ დაალაგოთ ჩატები თემების, ჯგუფების ან ინდივიდების მიხედვით.