Apple iPhone 15-ს სექტემბერში წარადგენს. ეს იქნება პირველი iPhone type C დამტენის პორტით. ტექ მედიები წერენ, რომ მოწყობილობის Lightning-დან C-ზე გადასვლამ შესაძლოა გაზარდოს მისი დატენვის სიჩქარე.
Apple iPhone 15-ს სექტემბერში წარადგენს. ეს იქნება პირველი iPhone type C დამტენის პორტით. ტექ მედიები წერენ, რომ მოწყობილობის Lightning-დან C-ზე გადასვლამ შესაძლოა გაზარდოს მისი დატენვის სიჩქარე.
9to5Mac-ის თანახმად, iPhone 15-ის ახალი მოდელები 35 ვტ სიჩქარით დაიმუხტება, ამჟამინდელი iPhone 14 Pro კი 27 ვტ სიჩქარით შემოიფარგლება.
Apple-ის ანალიტიკოსმა Ming-Chi Kuo-მ მსგავსი პროგნოზები გასულ წელს გააკეთა. ის პროგნოზირებდა, რომ Apple Lightning-დან USB-C-ზე 2023 წელს გადავიდოდა.
Kuo-ს თქმით, ეს ცვლილება iPhone 15 Pro-ს საშუალებას მისცემს, უფრო სწრაფად დაიტენოს, მაგრამ ფუნქციაზე წვდომა მხოლოდ Apple-ის სერთიფიცირებული კაბელებით იქნება შესაძლებელი.
Apple-მა, ელექტრონულ ნარჩენებთან საბრძოლველად, iPhone-ების დენის გადამყვანებით შეფუთვა 2020 წელს შეწყვიტა. თუ დამტენი გინდა, ამისთვის ცალკე უნდა გადაიხადო.
ამის გამო, კომპანიამ შესაძლოა რეკომენდაცია გაუწიოს შარშან გამოშვებული 35W დამტენს, ორმაგი USB-C დამტენს და 30W USB-C დამტენს, რომლებიც განკუთვნილია MacBook Air-ისთვის.
დატენვის სიჩქარის მიუხედავად, სავარაუდოა, რომ iPhone 15 იქნება პირველი მოდელი, რომელიც სრულად გადავა USB-C დატენვაზე.
iPhone 15 Pro და Pro Max-ის მოდელები ძალიან გაზრდიან ფასს iPhone-ის ბოლო რამდენიმე მოდელთან შედარებით. სავარაუდოდ, მას ექნება უფრო თხელი ტიტანის ჩარჩო, ამჟამინდელი უჟანგავი ფოლადის ნაცვლად.
ჯერჯერობით, iPhone 15-ის წარდგენის ზუსტი თარიღი უცნობია. დაუდასტურებელი ცნობებით, ეს 22 სექტემბერს მოხდება.
