პარიზის მოდის კვირეულის ფარგლებში Coperni-მ პოდიუმზე Boston Dynamics-ის რობოტები გამოიყვანა
პარიზის მოდის კვირეულის ფარგლებში მოდის სახლმა Coperni პოდიუმზე Boston Dynamics-ის 5 რობოტი გამოიყვანა, მათ შორის — რობოტი ძაღლი სფოთი.
პარიზის მოდის კვირეულის ფარგლებში მოდის სახლმა Coperni პოდიუმზე Boston Dynamics-ის 5 რობოტი გამოიყვანა, მათ შორის — რობოტი ძაღლი სფოთი.
— ფოტოზე რობოტი მოდელს პიჯაკს ხდის, რათა მაყურებლებმა კაბა უამისოდაც იხილონ.
პოდიუმზე, ერთ სცენაში ადამიანი და რობოტი ერთმანეთს მიუახლოვდნენ, შემდეგ კი რობოტი ძაღლი მას პიჯაკის გახდაში დაეხმარა.
კიდევ ერთმა რობოტმა კი მოდელს ჩანთა «წამოუღო».
Coperni-ის დიზაინერებმა, სებასტიან მეიერმა და არნო ვაიონმა ჩვენების დასრულების შემდეგ თქვეს, რომ შოუ ჟან დე ლა ფონ-ფონტინის მე -17 საუკუნის ლექსის «მგელი და კრავი» თანამედროვე რეკონსტრუქცია იყო და ადამიანებისა და რობოტების თანაარსებობას ეხებოდა.
მოდელების და რობოტების მოძრაობა სცენაზე რეჟისორმა ერიკ კრისტსონმა დადგა.
არნო ვაიონმა ასევე განაცხადა, რომ «Boston Dynamics პირველი ტექნოლოგიური კომპანიაა, რომელმაც ხელი მოაწერა დოკუმენტს, რომ რობოტებს იარაღს არასდროს მისცემს. ასევე, პირველია, რომელმაც რობოტები უკრაინაში გაგზავნა დანაღმული ადგილების განაღმვის მიზნით».
მან დასძინა:
«ჩვენი გზავნილი პოზიტიურია — ადამიანებს და ტექნოლოგიებს შეუძლიათ, ერთად ჰარმონიულად იცხოვრონ. სფოთთან პირველად შეხვედრა სასიამოვნო გამოცდილება არ ყოფილა. მაგრამ ახლა ვფიქრობ, რომ რობოტები ლამაზები არიან».
Caperni მოდას და ტექნოლოგიებს პოდიუმზე ერთმანეთთან პირველად არ აკავშირებს. გასულ სეზონზე მათ მოდელს, ბელა ჰადიდს პირდაპირ მაყურებლების თვალწინ, აეროზოლით «შეასხეს» კაბა.
როგორც წესი, შოუს დასრულების შემდეგ დარბაზში შუქი ინთება და მაყურებლები ადგილს ტოვებენ. თუმცა, პოდიუმზე რობოტების გამოჩენის შემდეგ ასე არ მომხდარა. დიზანიერების მიერ დამშვიდობების შემდეგაც დამსწრეები რამდენიმე წუთის განმავლობაში მშვიდად და ჩუმად ისხდნენ.
შემდეგ კი რობოტებმა ფანებთან სელფებიც გადაიღეს.
ნანა დიხამინჯია: რა ხდებოდა CES 2023-ზე — სამომხმარებლო ელექტრონიკის გამოფენაზე ლას ვეგასში
ნანა დიხამინჯია: რა ხდებოდა CES 2023-ზე — სამომხმარებლო ელექტრონიკის გამოფენაზე ლას ვეგასში
dev.ge-მ ვაკანსიების სერვისი გაუშვა: გამოაქვეყნეთ ვაკანსიები ჩვენთან და მიიღეთ გამოხმაურებები!
