Microsoft-ის ხელმძღვანელების მეილები რუსეთთან დაკავშირებულმა ჯგუფებმა გატეხეს
Microsoft-ის ხელმძღვანელების Email-ები რუსულ დაზვერვასთან დაკავშირებულმა ჯგუფებმა გატეხეს. ამის შესახებ თავად კომპანიამ განაცხადა.
Microsoft-ის ხელმძღვანელების Email-ები რუსულ დაზვერვასთან დაკავშირებულმა ჯგუფებმა გატეხეს. ამის შესახებ თავად კომპანიამ განაცხადა.
Microsoft-ის განცხადებით, გატეხილია კომპანიის იურიდიული ჯგუფის წევრების ელექტრონული ფოსტაც.
რუსეთის საგარეო დაზვერვის სამსახური 2020 წელს აშშ-მა კომპანია SolarWinds-ის წინააღმდეგ ჰაკერულ კამპანიაში დაადანაშაულა. ეს შემთხვევა დღემდე ითვლება ერთ-ერთ ყველაზე მასშტაბურ კიბერ-შპიონაჟად, რომელიც ამერიკული კომპანიების წინააღმდეგ განხორციელდა.
Microsoft-მა განაცხადა, რომ 2023 წლის ნოემბერში რუსეთის დაზვერვასთან დაკავშირებულმა ჰაკერებმა კიბერ-იერიში მიიტანეს ერთ-ერთ კონკრეტულ ანგარიშზე და მოიპოვეს მასზე წვდომა, შემდეგ კი ის გამოიყენეს Microsoft-ის სხვა თანამშრომლების იმეილებზე წვდომისა და მათი ფაილების ჩამოტვირთვისთვის. კომპანიის თქმით, გაუგებარია, რატომ მისცა ამ ერთმა ანგარიშმა ჰაკერებს ასეთი წვდომა.
Microsoft ამბობს, რომ ჰაკერული თავდასხმა გასულ კვირას შეამჩნიეს. კომპანიაში ფიქრობენ, რომ მომხმარებლები არ დაზარალებულან, ხოლო მათი პროდუქტები — არ დაზიანებულა.
«ჩვენ ინფორმაციას მივაწოდებთ იმ თანამშრომლებს, რომლების ელექტრონულ ფოსტაზეც ჰაკერებმა წვდომა მოიპოვეს. ეს კიბერთავდასხმა ხაზს უსვამს მუდმივ საფრთხეს, რომელიც ყველას კომპანიას ემუქრება აქტორისგან, რომელიც ეროვნულ სახელმწიფო საფრთხეს წარმოადგენს და ამასთან, კარგად აღჭურვილია». — ნათქვამია Microsoft-ის განცხადებაში.
Microsoft ტექნოლოგიით არაერთი დასავლური სახელმწიფოს მთავრობას უზრუნველყოფს, ამიტომაც, მუდმივად არის ჰაკერების სამიზნე. 2023 წელს ჩინელმა კიბერდამნაშავეებმა შეაღწიეს Microsoft-ის სისტემებში და მოიპოვეს წვდომა აშშ-ის ვაჭრობის მმდივნის, ჯინა დაიმონდოს და ხელისუფლების სხვა წარმომადგენლების იმეილებზე.
რუსულ მხარეს მომხდართან დაკავშირებით ჯერჯერობით კომენტარი არ გაუკეთებია.
