ჯორჯ მარტინი და სხვა მწერლები ChatGPT-ს უჩივიან

აშშ-ის ნიუ-იორკის სამხრეთ ოლქის საოლქო სასამართლოში შეტანილი სარჩელის თანახმად, 1976 წლის საავტორო უფლებების შესახებ კანონის მიხედვით, OpenAI-მ მხატვრული ნაწარმოებების რეგისტრირებული საავტორო უფლებები დაარღვია.

ხელოვნური ინტელექტის შესახებ კონკრეტული კანონები ჯერ არ არსებობს, რაც ართულებს პასუხების გაცემას კითხვებზე იმის შესახებ, აქვთ თუ არა AI კომპანიებს ხელოვნური ინტელექტის გასაწვრთნელად ნაწარმოებების გამოყენების უფლება. 

ავტორებმა განაცხადეს, რომ OpenAI მათ ნამუშევრებს ნებართვის ან განხილვის გარეშე იყენებს, შედეგად, საავტორო უფლებებით დაცული ტექსტები ალგორითმებში ხვდება და მომხმარებლებს მათი გამოყენება შეუძლიათ. ავტორები დაკარგული სალიცენზიო თანხების ანაზღაურებას ითხოვენ. 

«მწერლებსა და ავტორების უფლებებს პატივს ვცემთ და გვჯერა, რომ მათ ხელოვნური ინტელექტის ტექნოლოგიით უნდა ისარგებლონ». — განაცხადა OpenAI-ის სპიკერმა. — «ჩვენ აქტიური კომუნიკაცია გვაქვს შემოქმედებთან მთელ მსოფლიოში, მათ შორის მწერალთა გილდიასთან და ერთობლივად ვმუშაობთ, რათა გავიგოთ და განვიხილეთ მათი შეშფოთება ხელოვნური ინტელექტის შესახებ. ჩვენ ოპტიმისტურად ვართ განწყობილი, რომ გავაგრძელებთ ერთობლივ მუშაობას და ურთიერთსასარგებლო გზების პოვნას, რათა ადამიანებს ახალი ტექნოლოგიების გამოყენებაში დავეხმაროთ». — ნათქვამია განცხადებაში.