IT სპეციალისტებს, რომლებმაც რუსეთი დატოვეს, შესაძლოა დისტანციურად მუშაობა აუკრძალონ. რუსეთის მმართველმა პარტიამ «ერთიანი რუსეთი» შეიმუშავა კანონპროექტი, რომელიც ქვეყნის გარეთ მცხოვრებ რუსებს ზოგიერთ სპეციალობაში დისტანციურად მუშაობას ურძალავს.
IT სპეციალისტებს, რომლებმაც რუსეთი დატოვეს, შესაძლოა დისტანციურად მუშაობა აუკრძალონ. რუსეთის მმართველმა პარტიამ «ერთიანი რუსეთი» შეიმუშავა კანონპროექტი, რომელიც ქვეყნის გარეთ მცხოვრებ რუსებს ზოგიერთ სპეციალობაში დისტანციურად მუშაობას ურძალავს.
რუსული გამოცემა მედუზა წერს, რომ შეზღუდვები გავრცელდება მათზე, ვინც არ არის რუსეთის ფედერაციის საგადასახადო რეზიდენტი, ანუ წელიწადში 183 ან მეტ დღეს ატარებს ქვეყნის გარეთ.
ასეთი სპეციალობების ჩამონათვალს, სავარაუდოდ, მთავრობა განსაზღვრავს.
თუმცა, ადამიანები, რომლებსაც შეზღუდვა, უდიდესი ალბათობით, შეეხებათ, არიან ბანკის თანამშრომლები, რომლებსაც აქვთ წვდომა კორპორატიულ მეილზე, ვინაიდან რუსეთის ხელისუფლებას «არ სურს, ეს ინფორმაცია საზღვარგარეთ მყოფი თაღლითების ხელში აღმოჩნდეს».
შეზღუდვები ასევე შეეხება ადამიანებს, რომლებიც ინფორმაციული ტექნოლგიების და სატრანსპორტო სფეროში მუშაობენ.
რუსეთის ფედერაციის ციფრული განვითარების სამინისტრომ გამოთქვა მოსაზრება, რომ ამან «შეიძლება გამოიწვიოს ციფრული პლატფორმების განვითარების შენელება». ამავდროულად, დეპარტამენტმა მხარი დაუჭირა გარკვეული შეზღუდვების აუცილებლობას.
მას შემდეგ, რაც 2022 წლის 24 თებერვალს რუსეთი უკრაინაში შეიჭრა, ქვეყანა ასობით ათასმა ადამიანმა დატოვა, მათ შორის, რუსეთისვე ინფორმაციით, 100 ათასმა IT სპეციალისტმა. მათი ნაწილი საქართველოში ცხოვრობს და მუშაობს.
