ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
სიახლეების განყოფილებაგანათლება
9 დეკემბერი 2022, 15:55
2022-12-09
ილიაუნი GITA-სთან ერთად საქართველოს 9 ქალაქში ICT კურსებზე მიღებას იწყებს
ილიას სახელმწიფო უნივერსიტეტის ტექნოლოგიური მეწარმეობისა და ინოვაციების ცენტრი GITA-ს მხარდაჭერით საქართველოს რეგიონებში — 9 ქალაქში ICT კურსებზე მიღებას იწყებს. კურსები უფასოა.
15 დეკემბრიდან შესაძლებელია შემდეგი მიმართულებების დაუფლება:
გრაფიკული დიზაინი
ციფრული მარკეტინგი
Front-end Development
კურსების გავლა შეეძლება ნებისმიერ მსურველს 13 წლის ასაკს ზემოთ, ვინც ცხოვრობს:
რუსთავში;
გურჯაანში;
ახმეტაში;
კასპში;
ბათუმში;
ოზურგეთში;
წალენჯიხაში;
ქუთაისში;
ამბროლაურში.
კურსებს გაუძღვებიან დარგის გამოცდილი სპეციალისტები, რომლებიც დაგეხმარებიან შეისწავლოთ ვებპროგრამირების საწყისები Front end (HTML, CSS, გრაფიკული დიზაინის პროგრამებთან მუშაობის ტექნიკები, ციფრული მარკეტინგისთვის საჭირო ტექნიკები.
ტრენინგები გაიმართება ჰიბრიდულ რეჟიმში, როგორც ონლაინ ისე ფიზიკურ სივრცეში საქართველოს ინოვაციების და ტექნოლოგიების სააგენტოს რეგიონალური ცენტრების ბაზებზე.
ტრენინგების დასრულების შემდგომ თითოეული კურსის მონაწილე იმუშავებს ფინალურ პროექტზე. საბოლოოდ კი წარმატებული კურსდამთავრებულები დაჯილდოვდებიან სეტიფიკატებით.
ვის შეუძლია მონაწილეობა?
კურსების გავლა შესაძლებელია ნებისმიერი მსურველისთვის 13 წელს ზემოთ, ვინც ცხოვრობს საქართველოს შემდეგ რეგიონებში: რუსთავი, გურჯაანი, ახმეტა, კასპი, ბათუმი, ოზურგეთი, წალენჯიხა, ქუთაისი, ამბროლაური.
პროექტში მონაწილეობის მისაღებად საჭიროა შეავსოთ მარტივი სააპლიკაციო ფორმა არაუგვიანეს 2022 წლის 14 დეკემბრისა.
გრაფიკული დიზაინის კურსზე მიღება ცხადდება ამ ქალაქებში 👇
10 ყველაზე მაღალანაზღაურებადი IT უნარი 2024 წლისთვის
IT ერთ-ერთი ყველაზე მაღალანაზღაურებადი ინდუსტრიაა, მაგრამ გასულ წელს თანამდებობიდან გათავისუფლების სერიამ ნდობა ნაწილობრივ შეარყია. Indeed-ის მოხსენების თანახმად, ეს მას შემდეგ მოხდა, რაც კომპანიებმა სამუშაო ადგილზე ხელოვნური ინტელექტის გამოყენება დაიწყეს. შედეგად, AI უნარები ახლა ყველაზე მოთხოვნად უნარებს შორისაა, მიუხედავად იმისა, რომ კომპანიები თანამდებობიდან გათავისუფლების ინტენსივობას ამცირებენ.
როგორ გახდეთ UX დიზაინერი და მიიღოთ Google-ის სერტიფიკატი 6 თვეში
IT-ში ერთ-ერთი ყველაზე საინტერესო და მოთხოვნადი პროფესია UX-დიზაინერია. მოგიყვებით კურსზე, სადაც Google-ის სპეციალისტები თქვენგან (თითქმის) პროფესიონალებს შექმნიან.