Gita საქართველოს ბანკთან ერთად ტექნოპარკში სასწავლო პროექტს, CodeIT-ის იწყებს

პროექტის  განმავლობაში  2 სასწავლო მოდული უკვე ჩატარდა, ახლა კი მესამე მოდული იწყება, სადაც თითოეულ ლოკაციაზე 15-მდე მონაწილე შეირჩევა, ჯამში მაქსიმუმ 120 წევრი, რომლებიც ტრენინგს  ტექნოპარკებში კომპიუტერებით აღჭურვილი სივრცეებიდან  ერთდროულად ჩაერთვებიან.

ტრენინგის  განსხვავებული, ჰიბრიდული ფორმატი მონაწილეებს სატრენინგო სივრცეში ადგილობრივ ჯგუფთან ცოცხალი კომუნიკაციის საშუალებას აძლევს. ისინი ასევე ტრენერსა და ტრენინგის  დანარჩენ მონაწილეებს დისტანციურად დაუკავშირდებიან.

სასწავლო სილაბუსი:

• Next.js (React Framework)  სილაბუსი
• შესავალი ინფორმაცია Next.js-ის შესახებ, სამუშაო გარემოს მომზადება
• Next.js პროექტის შექმნა, სტრუქტურისა და ფაილების განხილვ
• React-ის საწყისები: კომპონენტების შექმნა/დარენდერება, JSX და
• კომპონენტის სტრუქტურა, მოდულები
• Project — შექმნა და გამოქვეყნება

აპლიკანტებმა სარეგისტრაციო ფორმა 30 ოქტორბრის 18:00 საათამდე უნდა შეავსონ. სარეგისტრაციო პერიოდის დასრულებისთანავე, 30 ოქტომბერს, 18:00 საათზე გადარჩეულ მონაწილეებს ელექტრონულ ფოსტებზე მიუვათ შესასრულებელი დავალების ბმული, რომლისთვისაც მათ 24 საათი ექნებათ.

1-ლ ნოემბერს შერჩეულ მონაწილეებს დაუკავშირდებიან და დაიბარებენ გასაუბრებაზე, რომელიც ჩატარდება 2-3 ნოემბერს, დეტალებთან დაკავშირებით ყველა საჭირო ინფორმაციას მიიღებთ ელექტრონულ ფოსტაზე. 

შერჩევის პროცესში უპირატესობა მიენიჭებათ მეორე მოდულის წარმატებულ კურსდამთავრებულებს.

პროექტის დასრულების შემდგომ, ყველა იმ მონაწილეს, რომელიც CodeIT-ის სალექციო პროცესის 70%-ზე მეტს დაესწრება და ჩააბარებს საბოლოო გამოცდას, გადაეცემათ სერტიფიკატები.

დაინტერესების შემთხვევაში, რეგისტრაციის გავლა შეგიძლიათ ბმულზე.