ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

GITA-მ ზოგიერთი რეგიონისთვის ინოვაციების 25 000-ლარიანი საგრანტო პროგრამა გამოაცხადა

საქართველოს ინოვაციების და ტექნოლოგიების სააგენტომ რეგიონული საგრანტო პროგრამა გამოაცხადა შემდეგ რეგიონებში — სამცხე-ჯავახეთი, მცხეთა-მთიანეთი, შიდა ქართლი. USAID-ის ძლიერი სოფლის პროგრამასთან თანამშრომლობით, საგრანტო პროგრამის ბენეფიციარებს მცხეთა-მთიანეთისა და შიდა ქართლის რეგიონებიდან ექნებათ შესაძლებლობა, მიიღონ დამატებითი რესურსები პროექტების განხორციელებისთვის. 

კომენტარის დატოვება
GITA-მ ზოგიერთი რეგიონისთვის ინოვაციების 25 000-ლარიანი საგრანტო პროგრამა გამოაცხადა

საქართველოს ინოვაციების და ტექნოლოგიების სააგენტომ რეგიონული საგრანტო პროგრამა გამოაცხადა შემდეგ რეგიონებში — სამცხე-ჯავახეთი, მცხეთა-მთიანეთი, შიდა ქართლი. USAID-ის ძლიერი სოფლის პროგრამასთან თანამშრომლობით, საგრანტო პროგრამის ბენეფიციარებს მცხეთა-მთიანეთისა და შიდა ქართლის რეგიონებიდან ექნებათ შესაძლებლობა, მიიღონ დამატებითი რესურსები პროექტების განხორციელებისთვის. 

რეგიონული საგრანტო პროგრამის მიზანია, ხელი შეუწყოს საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერებას; ინოვაციური პროდუქტების, მომსახურების, ტექნოლოგიებისა და პროცესების შემუშავება — ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნას. 

USAID-ის ძლიერი სოფლის პროგრამა საქართველოს ინოვაციების და ტექნოლოგიების სააგენტოსთან ითანამშრომლებს სამი  სხვადასხვა მიმართულებით.


ეს მიმართულებებია: 

  • პრე-აქსელერაციის პროგრამები სამეგრელოში, სვანეთში, რაჭა-ლეჩხუმში, შიდა ქართლსა და მცხეთა-მთიანეთში;
  • ტექნოლოგიური კვირეულები კასპში, გორში, მესტიასა და ზუგდიდში;
  • რეგიონული საგრანტო პროგრამების კომპონენტი. 

ეს პროგრამები ხელს შეუწყობს ახალგაზრდებს და ადგილობრივ მეწარმეებს, შექმნან იდეიდან პროდუქტი, განახორციელონ სტარტაპ პროექტები, რაც რეგიონების სოციალურ-ეკონომიკურ გაძლიერებას შეუწყობს ხელს. აღნიშნული თანამშრომლობის ფარგლებში, ადმინისტრაციულ გამყოფ ზოლთან მდებარე თემების მოსახლეობას მიეცემა საშუალება, შეისწავლოს ფინანსებზე წვდომის ალტერნატიული წყაროების მოძიების მეთოდები და შექმნას დინამიკური ცვლილებების მიმართ მდგრადი ეკონომიკური განვითარების პოტენციალი.      

საგრანტო პროგრამის ფარგლებში უკვე გამოვლინდნენ გამარჯვებულები აჭარის, იმერეთის, გურიის, სამეგრელოს, სვანეთისა და რაჭა-ლეჩხუმის რეგიონებში.

სამცხე-ჯავახეთში, მცხეთა-მთიანეთსა და შიდა ქართლში რეგისტრირებულ ფიზიკურ და იურიდიულ პირებს კი 4 სექტემბრიდან საშუალება ეძლევათ, ელექტრონული პორტალის www.grants.gov.ge მეშვეობით წარადგინონ განაცხადები.

საგრანტო წინადადებებს შეაფასებს კომისია, რომელიც დაკომპლექტებული იქნება შესაბამისი პროფილის მოწვეული ექსპერტებით და შერჩეული სტარტაპები კომისიის წინაშე წარსადგენად გაივლიან გადამზადების 

სპეციალურ კურსს, რომელიც მოიცავს:  ბაზრის კვლევას, ბაზარზე გასვლის სტრატეგიას, მასშტაბირებასა და ე.წ. «ფიჩინგს». საგრანტო თანხის მოცულობა არ უნდა აღემატებოდეს 25 000 ლარს.

გრანტის მიღება შეუძლია სამიზნე რეგიონებში რეგისტრირებულ ან/და მოქმედ ფიზიკურ პირებს, მეწარმე სუბიექტებს და სტარტაპებს. ასევე არარეგისტრირებულმა პირმა კონკურსის წარმატებით გავლის შემთხვევაში, საგრანტო ხელშეკრულების გაფორმებამდე სავალდებულოა მეწარმე სუბიექტის რეგისტრაცია მოახდინოს შესაბამის რეგიონში.

Do IT in Georgia — GITA-მ IT განათლების პროექტი წარადგინა
Do IT in Georgia — GITA-მ IT განათლების პროექტი წარადგინა
თემის მიხედვით
Do IT in Georgia — GITA-მ IT განათლების პროექტი წარადგინა


ასევე წაიკითხეთ
GITA-მ 150 000-ლარიანი თანადაფინანსების საგრანტო კონკურსი გამოაცხადა
GITA-მ 150 000-ლარიანი თანადაფინანსების საგრანტო კონკურსი გამოაცხადა
GITA-მ 150 000-ლარიანი თანადაფინანსების საგრანტო კონკურსი გამოაცხადა
საქართველოს ინოვაციების და ტექნოლოგიების სააგენტოს 150 000 ლარიანი თანადაფინანსების საგრანტო კონკურსი გამოაცხადა. ბოლო ვადაა 2024 წლის 29 თებერვლის 23:59 საათი. 
ვინ მოიგო GITA-ს 25 000-ლარიანი გრანტი კახეთის რეგიონში 
ვინ მოიგო GITA-ს 25 000-ლარიანი გრანტი კახეთის რეგიონში 
ვინ მოიგო GITA-ს 25 000-ლარიანი გრანტი კახეთის რეგიონში 
ქვემო ქართლში GITA-ს საგრანტო პროგრამის გამარჯვებულების ვინაობა ცნობილია
ქვემო ქართლში GITA-ს საგრანტო პროგრამის გამარჯვებულების ვინაობა ცნობილია
ქვემო ქართლში GITA-ს საგრანტო პროგრამის გამარჯვებულების ვინაობა ცნობილია
კასრაძე: GITA-ს დაარსებიდან დღემდე სტარტაპებზე 42 მილიონი ლარი გაიცა
კასრაძე: GITA-ს დაარსებიდან დღემდე სტარტაპებზე 42 მილიონი ლარი გაიცა
კასრაძე: GITA-ს დაარსებიდან დღემდე სტარტაპებზე 42 მილიონი ლარი გაიცა
ინოვაციების და ტექნოლოგიების სააგენტოს თავმჯდომარე, ავთანდილ კასრაძე საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე წარსდგა და საქმიანობის ანგარიში ჩააბარა. 
განხილვა
კომენტარები ჯერ არაა.