Chrome „ხმამაღლა წაკითხვის“ რეჟიმს ტესტავს

ეს საჭირო ფუნქცია იქნება, ამასთან, მას შეიძლება უფრო ფართო მიზნებიც ჰქონდეს.

ამ ფუნქციით, ღილაკზე დაწკაპუნებით სტატიის ან მთელი ვებ გვერდის ხმამაღლა წაკითხვაა შესაძლებელი. ეს იმ ადამიანებს ეხმარება, რომლებიც ან ეკრანს ვერ ხედავენ ან ნაჩვენები სიტყვების წაკითხვა უჭირთ. ეს ასევე პოტენციურად დაეხმარება მათ, ვისაც გრძელი ონლაინ სტატიის აუდიო ფორმით მოსმენა სურს.

ამჟამად ფუნქცია მხოლოდ ბრაუზერის სატესტო ვერსიაში, Chrome’s Canary build-შია ხელმისაწვდომი, მაგრამ ის ფაქტი, რომ ის საერთოდ არსებობს, პერსპექტიული ნიშანია.

ფუნქცია სტატიის წაკითხვისას სიჩქარის კონტროლს მოიცავს. სავარაუდოა, რომ მეტი ვარიანტი დაემატება, განსაკუთრებით იმ შემთხვევაში, თუ Google მსგავსი ფუნქციის შეთავსებას Microsoft-ის Edge ბრაუზერშიც აპირებს.

მას ასევე ხმამაღალი წაკითხვის ფუნქციის ვიზუალური კომპონენტი ექნება — ფუნქცია სანიშნის მსგავსია. ეს არის მნიშვნელოვანი ნახტომი ხელმისაწვდომობის კუთხით, ვინაიდან ეკრანის წამკითხველებს არა მხოლოდ მხედველობადაქვეითებული ადამიანები იყენებენ, არამედ ისინც, რომლებსაც კითხვა შეუძლიათ, მაგრამ ისეთი პირობების გამო უჭირთ, როგორიცაა ADHD ან დისლექსია. თუ გირჩევნიათ, ეს ვიზუალური ელემენტი არ გამოიყენოთ, შეგიძლიათ, ის მთლიანად გათიშოთ.

ამ ფუნქციის გამოშვების თარიღი დადგენილი არ არის, მაგრამ როგორც ჩანს, მას მალე ვიხილავთ.