Tailor.ge ახალი ქართული სტარტაპია, რომელიც სამკერვალო ბიზნესის პოპულარობის გაზრდასა და მის გაციფრულებას ისახავს მიზნად. Სტარტაპის დამფუძნებლები კონსტრუქტორ-დიზაინერი მანია ვაშაკიძე, Fullstack დეველოპერი მარია წულუკიძე და ციფრული პროცესების ცენტრის დამფუძნებელი ია თავდიშვილი არიან.
Tailor.ge-მ GITA-ს 25 000-ლარიანი გრანტიც მოიპოვა.
Tailor.ge-ის თანადამფუძნებლებს შექმნილი აქვთ საიტის დემო ვერსია. ის სრულყოფილად 2 თვეში ამოქმედდება. მანამდე კი Tailor.ge-ს ბევრ კომპანიასთან და პოტენციურ მომხმარებელთან კავშირი უკვე აქვს.
Tailor.ge ახალი ქართული სტარტაპია, რომელიც სამკერვალო ბიზნესის პოპულარობის გაზრდასა და მის გაციფრულებას ისახავს მიზნად. Სტარტაპის დამფუძნებლები კონსტრუქტორ-დიზაინერი მანია ვაშაკიძე, Fullstack დეველოპერი მარია წულუკიძე და ციფრული პროცესების ცენტრის დამფუძნებელი ია თავდიშვილი არიან.
Tailor.ge-მ GITA-ს 25 000-ლარიანი გრანტიც მოიპოვა.
Tailor.ge-ის თანადამფუძნებლებს შექმნილი აქვთ საიტის დემო ვერსია. ის სრულყოფილად 2 თვეში ამოქმედდება. მანამდე კი Tailor.ge-ს ბევრ კომპანიასთან და პოტენციურ მომხმარებელთან კავშირი უკვე აქვს.
სტარტაპის არსზე, მნიშვნელობასა და სამომავლო გეგმებზე სტარტაპის ტექნიკური დირექტორი და ერთ-ერთი თანადამფუძნებელი, მარია წულუკიძე დეტალურად გვესაუბრა.
Მარია გვიხსნის, რომ Tailor.ge-ის დახმარებით ნებისმიერ ადამიანს, იქნება ეს კონსტრუქტორ-დიზაინერი თუ უბრალოდ მომხმარებელი, შეეძლება, თავისი სურვილების მიხედვით, თარგი დააგენერიროს. Პროცესს, რომელსაც ტრადიციული მეთოდებით რამდენიმე საათი სჭირდება, Tailor.ge წუთებში გააკეთებს, რაც მომხმარებლის დროსა და ენერგიას დაზოგავს.
მარია წულუკიძე
«Როდესაც მომხმარებელი პლატფრომაზე დარეგისტრირდება, უპირველეს ყოვლისა, უფასო, საბაზისო თარგებს იღებს, რის შემდეგაც ფასიანი თარგების შეძენა შეუძლია.
AI-ით მხარდაჭერილი ტექნოლოგია მას თავის გემოვნებაზე მორგებულ თარგს დაუგენერირებს. უკვე შექმინილი თარგის ჩამოტვირთვის შემდეგ მომხმარებელს შეეძლება, ის მკერავთან მიიტანოს».
Მარიას თქმით, პლატფორმა ხელოვნური ინტელქტის დახმარებით მუშაობს. პირველ ეტაპზე მომხმარებლებს მისი გამოყენება მხოლოდ თარგის დაგენერირებისთვის შეეძლებათ. თუმცა, სამომავლოდ Tailor.ge-ზე კონკრეტული ესკიზების ატვირთვა გახდება შესაძლებელი, რომლის მიხედვითაც ტექნოლოგია თარგს დააგენერირებს.
მარია წულუკიძე
«ამ ეტაპზე ჩვენს პლატფორმაზე მილიონობით საბაზისო თარგია ატვირთული, რომელსაც მოხმარებელი აირჩევს და ფაზლის პრინციპით ააწყობს. თუმცა, სამომავლოდ მათ ხელით ჩახატული ესკიზების ატვირთვა და უკვე გამზადებული თარგის რედაქტირებაც შეეძლებათ».
Სტარტაპის შექმნის იდეა კონსტრუქტორ-დიზაინერს, მანია ვაშაკიძეს გაუჩნდა, რომელსაც სამკერვალო ბიზნესში 30-წლიანი გამოცდილება გააჩნია. Მან ბაზარზე კონსტრუქტორების არ არსებობის პრობლემა დაინახა, რისი მოგვარებაც Tailor.ge-ის დაფუძნებით გადაწყვიტა.
მარია წულუკიძე
«Მანია დამიკავშირდა და მას შემდეგ, რაც ამ სტარტაპში პოტენციალი დავინახე, იდეაზე მუშაობას დავთანხმდი — მსგავსი პლატფორმა არც საქართველოში და არც მის ფარგლებს გარეთ, ფაქტობრივად არ არსებობს».
Მარიას თქმით, ამ ეტაპზე Tailor.ge-ის პირდაპირი კონკურენტი არ გააჩნია, რადგან მსგავსი პლატფორმა არც ქვეყნის შიგნით და არც მის გარეთ არ არსებობს.
მარია წულუკიძე
«არსებობს პლატფორმა, სადაც ცალკე შეგიძლია თარგი დააგენერირო. ასევე, არსებობს პლატფორმა, სადაც 3D მოდელირების გაკეთება შეგიძლია, თუმცა ამ ორი მომსახურების გაერთიანებას სხვაგან ვერ შეხვდებით».
ამ ეტაპზე Tailor.ge კომერციულ შეკვეთებზეა ორიენტირებული — უკავშირდებიან კომპანიებს, რომლებიც კონსტრუქტორ-დიზაინერებს საჭიროებენ.
სამომავლოდ მარიას გლობალურ ბაზარზე გასვლაც სურს.
მარია წულუკიძე
«ტანსაცმელი დღემდე ვერაფერმა ჩაანაცვლა, აქედან გამომდინარე, ამ ბიზსნესში ინოვაციური იდეები ყოველთვის მომგებიანია. ამასთან, როგორც უკვე ვთქვი, დიდხნიანი კვლევის შემდეგ, Tailor.ge-ის იდენტური პლატფრომა ვერ ვიპოვე, ამიტომ გლობალურ ბაზარზე გასვლა გვსურს».
