ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემარკეტინგი
20 დეკემბერი 2023, 16:00
2023-12-20
Simple Steps რეგიონში Meta-ს პირველი საერთაშორისო ავტორიზებული საგამოცდო ცენტრი გახდა
Simple Steps ქართული კომპანიაა, რომელიც არაერთ ცნობილ ბიზნესს სწორი მარკეტინგული ნაბიჯების გადადგმასა და ციფრულ სივრცეში ეფექტურად პოზიციონირებაში ეხმარება. ის 2021 წლის თებერვალში დაფუძნდა და სწრაფი ტემპით ვითარდება — 2023 წლის დეკემბერში კომპანია Meta-ს საერთაშორისო ავტორიზებული საგამოცდო ცენტრი გახდა.
dev.ge-სთან ციფრული მარკეტინგის პროფესიონალმა და Simple Steps-ის პარტნიორმა, ალექსანდრე ჩომახიძემ მიღწეული შედეგის არსზე, მნიშვნელობასა და დეტალებზე ისაუბრა.
Simple Steps ქართული კომპანიაა, რომელიც არაერთ ცნობილ ბიზნესს სწორი მარკეტინგული ნაბიჯების გადადგმასა და ციფრულ სივრცეში ეფექტურად პოზიციონირებაში ეხმარება. ის 2021 წლის თებერვალში დაფუძნდა და სწრაფი ტემპით ვითარდება — 2023 წლის დეკემბერში კომპანია Meta-ს საერთაშორისო ავტორიზებული საგამოცდო ცენტრი გახდა.
dev.ge-სთან ციფრული მარკეტინგის პროფესიონალმა და Simple Steps-ის პარტნიორმა, ალექსანდრე ჩომახიძემ მიღწეული შედეგის არსზე, მნიშვნელობასა და დეტალებზე ისაუბრა.
ალექსანდრე ამბობს, Simple Steps საქართველოში და მთლიანად რეგიონშიც პირველი ავტორიზებული საგამოცდო ცენტრია, რომელმაც Meta-ს ტესტირების ჩატარების უფლება მოიპოვა — აქამდე ნებისმიერ მსურველს, მაგალითად, მარკეტერს, თუ Meta-ს სერტიფიკატის მიღება სურდა, უშალოდ Meta-ს ვებსაიტზე შესვლა, დარეგისტრირება, თანხის გადახდა და ონლაინ გამოცდის ჩაბარება უწევდა, ხოლო თუ გამოცდის ფიზიკურად ჩაბარება დასჭირდებოდა, მაშინ აშშ-ში ან ლონდონში უნდა წასულიყო.
ალექსანდრე ჩომახიძე
«საქართველოში ბევრი ტესტირების ცენტრია, რომელსაც საერთაშორისო გამოცდების ჩატარების უფლება აქვს — თქვენ შეგიძლიათ Adobe-ის, Microsoft-ის სერტიფიკატი აიღოთ. თუმცა, ჩვენ გავხდით პირველი სააგენტო, რომელმაც რეგიონში Meta-ს ტესტირების ჩატარების უფლება მოიპოვა. ახლა Meta-ს სერტიფიკატის მსურველი Simple Step-ის ოფისში უნდა მოვიდეს, სადაც გამოცდას ფიზიკურად დაწერს. მეტიც, სომხეთში, აზერბაიჯანსა და თურქეთში მცხოვრები პირებიც ჩვენთან უნდა მოვიდნენ, რადგან ამ მიმართულებით რეგიონში სხვა საგამოცდო ცენტრი არ არსებობს».
ალექსანდრეს თქმით, პროცესის ყველაზე საინტერესო. თუმცა, ამავდროულად რთული ნაწილი Meta-ს კრიტერიუმების დაკმაყოფილება იყო. ის გვიყვება, რომ Meta-ზე ყველაზე დიდი «შთაბეჭდილება» კომპანიის კლიენტების რაოდენობამ მოახდინა — ეს ავტომატურად ნიშნავს, რომ სააგენტო ყველანაირ წესებს იცავს, თანხის გადამხდელია და ვითარდება.
ალექსანდრე ჩომახიძე
«მომხმარებლების რაოდენობისა და ჩვენი სააგენტოს იმიჯის გარდა, ჩვენმა წინდახედულმა ნაბიჯმაც იმუშავა — კომპანიის 30-ვე თანამშრომელს მინიმუმ სამი დონის სერტიფიკატი ავაღებინეთ. რათა გვეჩვენებინა, რომ ყველა მომზადებულია და ამ მიმართულებით ცოდნა აქვს. აბსოლუტურად ყველა ყოველ წელს გავდიოდით გამოცდაზე, რათა განაცხადი შეგვევსო და მოთხოვნა დაგვეკმაყოფილებინა».
შემდეგი ეტაპი კომპანია Pearson VUE-სთან დაკავშირება იყო, რომელიც Meta-ს საერთაშორისო გამოცდების ჩატარებაში ეხმარება — თავად Meta-ს ამის უფლება არ აქვს.
ალექსანდრე ჩომახიძე
«Pearson VUE-სთან ხელშეკრულება გავაფორმეთ და სერტიფიცირების ცენტი გავხდით. ამ დროს Meta სერტიფიკატებში არ იყო, რომ საქართველოსნაირი ქვეყნისთვის გამოცდების ჩატარების უფლება მიეცა. გამოჩენისთანავე განაცხადი შევავსეთ და ამ მიმართულებით რეგიონში პირველები გავხდით».
Meta-ს სასერტიფიკატო გამოცდის ჩაბარება Simple Steps-ის დახმარებით 2024 წლის იანვრიდან იქნება შესაძლებელი.
