საქართველოს მთავარი პროკურატურის განცხადებით, საქართველოში იყო პირი, ვინც 6 წლის განმავლობაში მთელი მსოფლიოდან, თაღლითური სქემის გამოყენებით, $70 მილიონი მიითვისა. ის ინტერპოლის მიერ წითელი ცირკულარით იყო ძებნილი. საქართველომ მისი აშშ-ში ექსტრადაცია მოახდინა.
საქართველოს მთავარი პროკურატურის განცხადებით, საქართველოში იყო პირი, ვინც 6 წლის განმავლობაში მთელი მსოფლიოდან, თაღლითური სქემის გამოყენებით, $70 მილიონი მიითვისა. ის ინტერპოლის მიერ წითელი ცირკულარით იყო ძებნილი. საქართველომ მისი აშშ-ში ექსტრადაცია მოახდინა.
პროკურატურა აცხადებს, რომ აღნიშნული პირის ექსტრადიცია საქართველოს სამართალდამცავ უწყებებსა და აშშ-ის იუსტიციის დეპარტამენტს შორის ტრანსნაციონალური ორგანიზებული დანაშაულის წინააღმდეგ ბრძოლაში თანამშრომლობის შედეგად განხორციელდა.
ბრალდებული მის მიერვე შექმნილი მასშტაბურ დანაშაულებრივ ორგანიზაციას ხელმძღვანელობდა. ამ ჯგუფმა, სულ მცირე, 20 თაღლითური ონლაინ საინვესტიციო პლატფორმა შექმნა, მათი გამოყენებით კი, 6 წლის განმავლობაში მთელი მსოფლიოს მასშტაბით ასეულობით დაზარალებულისგან მოტყუებით მიღებულმა თანხამ 70 მილიონ აშშ დოლარზე მეტი შეადგინა.
ძებნილი ბათუმში დააკავეს.
საქართველოს გენერალური პროკურატურის შუამდგომლობის საფუძველზე მისი აშშ-ში ექსტრადიცია თბილისის საქალაქო სასამართლომ დასაშვებად ცნო. ბრალდებულების ადვოკატებმა ეს გადაწყვეტილება სააპელაციო სასამართლოში გაასაჩივრეს — ისინი ექსტრადიციის დაუშვებლად ცნობას ითხოვდნენ. საქართველოს უზენაესმა სასამართლომ საჩივარი დაუშვებლად ცნო და თბილისის საქალაქო სასამართლოს გადაწყვეტილება უცვლელი დარჩა.
ძებნილი პირის საქართველოდან ამერიკის შეერთებულ შტატებში ტრანსპორტირება აშშ-ის მარშალთა სამსახურის მიერ მოხდა.
