საქართველოს ბანკი რუსეთის და ბელორუსის მოქალაქეების ანგარიშებს დახურავს
საქართველოს ბანკი სამუშაო 5 დღეში რუსეთის და ბელორუსის მოქალაქეების ნაწილს ანგარიშებს დაუხურავს.
საქართველოს ბანკი სამუშაო 5 დღეში რუსეთის და ბელორუსის მოქალაქეების ნაწილს ანგარიშებს დაუხურავს.
მათ ბანკისგან სმს დღეს მიუვიდათ, რომლის ტექსტშიც ნათქვამია:
«გაცნობებთ, რომ საქართველოს ბანკის გადაწყვეტილებითა და მის შიდა პოლიტიკაზე დაყრდნობით, თქვენი ანგარიში 5 სამუშაო დღეში დაიხურება. გთხოვთ, გაიტანოთ თანხა ანგარიშის ვადის გასვლამდე».
ტელეგრამ ჯგუფებში რუსეთისა და ბელარუსის საქართველოში მცხოვრები მოქალაქეები ეჭვს გამოთქვამენ, რომ ანგარიშების დახურვა შესაძლოა მათ მიერ კრიპტბირჟებზე განხორციელებულ ტრანზაქციებს უკავშირდებოდეს.
dev.ge-ს საქართველოს ბანკში დაუდასტურეს, რომ მსგავსი გადაწყვეტილება ნამდვილად იქნა მიღებული, თუმცა, კომპანიაში დამატებით არაფერს ამბობენ, მათ შორის, არ პასუხობენ კითხვას, ანგარიშების დახურვას პოლიტიკური საფუძვლები აქვს თუ მართლაც უკავშირდება კრიპტოვალუტას.
ანგარიშის დახურვის მიზეზებს არც მათ მფლობელებს უხსნიან.
რამდენიმე თვის წინ რუსულმა ფირმა Register In Georgia-მ თავის კლიენტებს შორის გამოკითხვა ჩაატარა და დაასკვნა, რომ საქართველოს ბანკი რუსეთის და ბელარუსის მოქალაქეების ანგარიშებს, მათი აღდგენის პერსპექტივის გარეშე, კრიპტოვალუტაში ნებისმიერი ტრანზაქციის განხორციელების გამო ბლოკავს.
