პროფესიული აქსელერაციის პროგრამა ილიაუნის კიბერლაბორატორია უნილაბში

თუ ICT მენეჯმენტი, ციფრული კომუნიკაცია,  გრაფიკული დიზაინი, ინტერფეისის დიზაინი, Python, Front-End (HTML, CSS, JavaScript), Front-End (React) გაინტერესებს, გარკვეული ცოდნაც გაქვს ამ მიმართულებით, მაგრამ გაკლია პრაქტიკული გამოცდილება, მაშინ ახალ რეალობაში გადმონაცვლების დროა. 

UniLab-ი გთავაზობს, ჩაერთო პროფესიული აქსელერაციის პროგრამაში და შეერკინო ახალ თავბრუდამხვევ დავალებებს. ჩვენთან საშუალება გექნება, იმუშაო რეალურ პროექტებზე, მიიღო პრაქტიკული გამოცდილება და შექმნა საკუთარი პორტფოლიო, რომელიც დასაქმებაში დაგეხმარება.

როგორ მივიღო მონაწილეობა პროფესიული აქსელერაციის პროგრამაში?

პროექტში მონაწილეობისთვის საჭიროა შეავსო ელექტრონული სააპლიკაციო ფორმა: 

აირჩიე შენთვის საინტერესო მიმართულება და შეავსე ფორმა 👈

აპლიკაციის შევსების ბოლო ვადა: 2023 წლის 20 ოქტომბერი, 23:59 საათი

შერჩევის ეტაპები

• I ეტაპი: სააპლიკაციო ფორმით გათვალისწინებული სატესტო დავალებების განხილვა;
•  I I ეტაპი: დამატებითი ტესტირება ან გასაუბრება

პროფესიული აქსელერაციის პროგრამის ხანგრძლივობა და ფორმატი 

პროგრამა წარიმართება დისტანციურად ფორმატში. 4 თვის განმავლობაში მენტორებთან ერთად რეალურ პროექტებზე მუშაობის შესაძლებლობა გექნებათ.

ვისთვის არის განკუთვნილი პროფესიული აქსელერაციის პროგრამა?

• მათთვის, ვისაც უკვე აქვს საბაზისო ცოდნა სასურველი მიმართულებით, მაგრამ აკლია პრაქტიკული გამოცდილება. მნიშვნელობა არ აქვს, ადამიანმა თავად მიიღო ეს ცოდნა ინტერნეტის საშუალებით, თუ რომელიმე კურსი გაიარა, მთავარია, მას ჰქონდეს საბაზისო ცოდნა და განვითარების სურვილი.
• დღეს დამსაქმებელი ნებისმიერ პოზიციაზე ითხოვს სამუშაო გამოცდილებას. ბევრი ადამიანი კი იმის გამო, რომ აქვს გარკვეული ცოდნა, მაგრამ არ აქვს შესაბამისი გამოცდილება, ანუ არ უმუშავია რეალურ პროექტებზე, სამსახურს ვერ პოულობს. UniLab-ის პროგრამა სწორედ ასეთი ადამიანებისათვისაა. 4 თვის განმავლობაში თქვენ შექმნით საკუთარ პორტფოლიოს იმ პროექტებით, რომლებზეც რეალურად მოგიწევთ მუშაობა.

შესაბამისად:

• თუ ადამიანს არ აქვს ცოდნა, მან უნდა გაიაროს შესაბამისი სასწავლო კურსი ან თვითგანათლებით მიიღოს შესაბამისი ცოდნა;
• თუ ადამიანს აქვს საბაზისო ცოდნა, მაგრამ არ აქვს გამოცდილება, ეს პროფესიული აქსელერაციის პროგრამა მისთვისაა განკუთვნილი;
• ხოლო თუ ადამიანს აქვს ცოდნა და გამოცდილება, მას უკვე შეუძლია სამსახურის შოვნა და პროფესიული აქსელერაციის პროგრამა აღარ სჭირდება.

როგორ მუშაობს პროფესიული აქსელერაციის პროგრამა?

• პროფესიული აქსელერაციის პროგრამა უფასოა. დიდი კონკურენციის გამო პროგრამაში მონაწილეობის მსურველებს მოუწევთ საკონკურსო დავალების შესრულება, რომლის საფუძველზეც შეირჩევიან კანდიდატები;
• სტანდარტული სამსახურისგან განსხვავებით პროგრამის მონაწილეებს 4 თვის განმავლობაში ცოდნისა და გამოცდილების გაღრმავებაში დაეხმარებიან მიმართულების მენტორები. ისინი მონაწილეებს ნებისმიერ შეკითხვაზე უპასუხებენ.

სასწავლო ცენტრები საქართველოში, რომლებიც IT ცოდნის მიღებაში დაგეხმარებათ

თემის მიხედვით

სასწავლო ცენტრები საქართველოში, რომლებიც IT ცოდნის მიღებაში დაგეხმარებათ

ყველა უნივერსიტეტი საქართველოში, სადაც IT ტექნოლოგიების სწავლა შეგიძლიათ

თემის მიხედვით

ყველა უნივერსიტეტი საქართველოში, სადაც IT ტექნოლოგიების სწავლა შეგიძლიათ