სიახლეების განყოფილება ახალი ამბები 8 აგვისტო 2023, 17:22

რუსულ FSB-ს საქართველოში Yandex-ის მომხმარებლების მონაცემებზე წვდომა ექნება

რუსეთის ფედერალური უსაფრთხოების სამსახურს საქართველოში Yandex-ის მომხმარებლების მონაცემებზე 24-საათიანი წვდომა ექნება. ამის შესახებ რუსული მედია წერს.

კომენტარის დატოვება

რუსულ FSB-ს საქართველოში Yandex-ის მომხმარებლების მონაცემებზე წვდომა ექნება

რუსეთის ფედერალური უსაფრთხოების სამსახურს საქართველოში Yandex-ის მომხმარებლების მონაცემებზე 24-საათიანი წვდომა ექნება. ამის შესახებ რუსული მედია წერს.

FBS-ს წვდომა ექნება Yandex-ის მომხმარებლების ინფორმაციაზე 20-ზე მეტ სხვა ქვეყანაში, მათ შორის: სომხეთში, ყაზახეთში, აზერბაიჯანში, ისრაელში, ბელორუსში, ნორვეგიასა და ლიეტუვაში.

FSB-ს შეეძლება, აკონტროლოს გამოძახების მისამართი, დრო, მომხმარებლის ვინაობა და სხვა.

Yandex მომხმარებლების ინფორმაციას ახლაც აგროვებს, თუმცა, რუსულ უწყებას ამ დრომდე ამ მონაცემების კანონიერად მიღების უფლება არ ჰქონდა.

ამ ეტაპზე, Yandex აპლიკაციით სარგებლობისას თქვენ კომპანიას წვდომას აძლევთ:

ტელეფონის ნომრების ბაზაზე;
იმ იმეილების ბაზაზე, ვისთანაც მიმოწერა გაქვთ;
თქვენს ტელეფონზე;
გეოლოკაციაზე;
ასაკზე.

Yandex-ს მიაქვს თქვენი ინფორმაცია ლაიქებსა და მოწონებებზე, იმ ორგანიზაციებზე, რომლებსაც საძიებო სისტემაში ეძებთ, სხვა მომხმარებლებთან ურთიერთობის შესახებ მონაცემები,

ასევე:

ელექტრონული მონაცემები (HTTP-სათაურები, IP-მისამართი, cookie ფაილები, веб-მიშნები/პიქსელური თეგები, მონაცემები ბრაიზერის იდენტიფიკატორის შესახებ, იმფორმაცია აპარატული და პროგრამული უზრუნველყოფის შესახებ, wi-fi ქსელის მონაცემები);
საიტებთან და/ან სერვისებთან წვდომის განხორციელების თარიღი და დრო;
(vii) ინფორმაცია თქვენს შესახებ, რომელსაც ჩვენ ვიღებთ ჩვენი პარტნიორებისაგან თქვენსა და შესაბამის პარტნიორს შორის დადებული შეთანხმენის საფუძველზე, და Yandex-სა დასარტნიორს შორის დადებული შეთანხმენის საფუძველზე;
თქვენი გადახდის ბარათის დეტალები, თქვენ მიერ მოწოდებული გადახდის შესახებ სხვა ინფორმაცია, ასევე ინფორმაცია, რომელიც მიღებულია პარტნიორებისგან ან სხვა პირებისგან, რომლებიც მონაწილეობენ გადახდის ტრანზაქციაში Yandex-ის საიტების ან სერვისების გამოყენებით და/ან Yandex-ის მიერ ფასიანი სერვისების მიწოდებასთან დაკავშირებით.
Yandex-ი აგრეთვე იყენებს cookie ფაილებსა და ვებ-ნიშნულებს (პიქსელური თეგების ჩათვლით) პერსონალური ინფორმაციის შესაგროვებლად და ასეთი პირადი ინფორმაციის თქვენს მოწყობილობასთან და ვებ-ბრაუზერთან მისაბმელად.

ახალი რუსული კანონის ამოქმედების შემდეგ კომპანია ვალდებული იქნება, მომხმარებლების მონაცემები რუსეთის უსაფრთხოების სამსახურს გადასცეს. ინფორმაცია Yandex-მა FSB-ს 10 დღის ვადაში უნდა მიაწოდოს, თუ «სასწრაფოა» — 3 დღის ვადაში.

შესაბამისი კანონი ძალაში ოფიციალურად 2023 წლის 1-ლი სექტემბრიდან შევა. რუსული მედიის თანახმად, შესაბამის განკარგულებას რუსეთის პრემიერმინისტრმა, მიხეილ მიშუსტინმა ხელი უკვე მოაწერა. დოკუმენტი რუსეთის იურიდიული ინფორმაციის პორტალზეა გამოქვეყნებული.

მანამდე, 2022 წლის დეკემბერში, რუსეთის პრეზიდენტმა, ვლადიმირ პუტინმა ხელი მოაწერა კანონს ტაქსის ექსპლუატაციის შესახებ. დოკუმენტის თანახმად, მძღოლები და ტაქსის კომპანიები ვალდებულნი არიან, შეინახონ 6 თვის მონაცემები და ეს ინფორმაცია «სამართალდამცავი ორგანოების» მოთხოვნის შესაბამისად გასცენ.