ციფრული მობილური ოპერატორი, ბილაინი შეზღუდვებით მუშაობს.
კომპანიის ოფიციალურ Facebook გვერდზე გამოქვეყნებული განცხადების მიხედვით, ამჟამად მომხმარებელთა გარკვეულ ნაწილს აღმოსავლეთ საქართველოში აქვს შეზღუდვა ქსელით სარგებლობაზე.
«შესაბამისი სამუშაოები უკვე სრულდება და კავშირი უმოკლეს დროში აღდგება», — აღნიშნავენ ბილაინში.
რაც შეეხება დასავლეთ საქართველოს, კომპანიის ინფორმაციით, იქ აღდგენითი სამუშაოები ჯერ მიმდინარეობს და აბონენტებს აქვთ შეფერხება ინტერნეტით სარგებლობაზე.
«დიდ ბოდიშს გიხდით შექმნილი უხერხულობისათვის. ჩვენ ყველა ზომას მივმართავთ საკითხის რაც შეიძლება სწრაფად მოსაგვარებლად», — აცხადებენ ბილაინში.
ეს განცხადება კომპანიის გვერდზე დაახლოებით 2 საათის წინ გამოქვეყნდა. მომხმარებლები კვლავ წერენ ხარვეზების შესახებ.
